Green Grow the Rashes, O

Green Grow the Rashes, O

By Robert Burns

There's nought but care on every han'
In every hoor that passes O
What signifies the life o' man
An't were na for the lasses O

Chorus:

Green grow the rashes O;

Green grow the rashes O;

The Sweetest hours that e'er I spend

Are spent among the lasses O

The warldly race may riches chase
An' riches still may fly them O
An' tho' at last they catch 'em fast
Their hearts can ne'er enjoy them O

Chorus

But Gie me a canny hour at e'en
My arms about my dearie O
An' warldly cares, an' warldly men
May a' gang tapsalteerie O

Chorus

For you, sae douse, ye sneer at this
Ye're nought but senseless asses O
The wisest man that the warld e'er saw
He dearly lo'ed the lasses O

Chorus

Auld Nature swears, the lovely dears
Her noblest work she classes O
Her prentice han' she tried on man
An' then she made the lasses O

Chorus

MLA Citation for Video

Green Grow the Rashes, O. Dir. Lauchinrain. Perf. Auld Lang Syne. Youtube: Green Grow the Rashes, O. 26 Jan. 2009. 4 May 2011 <http://www.youtube.com/watch?v=Io-n-WIcj_M>.


MLA Citation for Poem

Roberts, Edgar V., and Darlene Stock. Stotler. "Green Grow the Rashes, O." Literature an Introduction to Reading and Writing. Upper Saddle River, NJ: Pearson / Prentice Hall, 2008. 504. Print.